Gazagystanda sanly tenge pul birligi dolanyşyga girizildi
Gazagystanyň maliýeçileriniň Almaty şäherinde geçýän XI Kongresiniň çäklerinde milli pul birligi – “Sanly tenge” ilkinji gezek dolanyşyga girizildi. Bu barada Gazagystanyň Milli bankynyň metbugat gullugy habar berýär.
“Şu gün biz sanly tengäni bölek söwda dolanyşygyna girizýäris. Geljek ýylda biz maliýe bazaryna gatnaşyjy hyzmatdaşlarymyz bilen bilelikde bu platformany has-da ösdüreris” diýip Gazagystanyň Milli bankynyň Milli töleg korporasiýasynyň başlygy Binur Žalenow aýtdy. Ol sanly tengäniň kömegi bilen ilkinji tölegi amala aşyrdy.
Ýurdyň Milli banky tarapyndanişe girizilen degişli platforma bankyň müşderilerine mobil goşundyda sanly hasaby açmak arkaly sanly tenge bilen tölegleri amala aşyrmaga mümkinçilik berýär.
Binu Žalenowyň belleýşi ýaly gazagystan banklarynyň dünýäniň töleg ulgamlary bilen hyzmatdaşlygynyň netijesinde töleg kartlaryny sanly tenge platformasy bilen utgaşdyrýan tehnologiýa döredildi. Bu bolsa öz gezeginde dünýäniň islendik nokadynda Apple Pay, Samsung Pay we beýleki enjamlar arkaly Gazagystanyň milli sanly pul birliginde töleg geçirmäge mümkinçilik berýär.
2025-nji ýyla çenli respublikada maliýe bazaryna gatnaşyjalryň ählisini täze platforma birikdirmegi hem-de sanly tengäni serhetüsti hasaplaşyklarynda serişde hökmünde ulanmaga başlamagy meýilleşdirýärler.
ORIENT news
