Gazagystan maglumat giňişliginde Türkmenistan bilen hyzmatdaşlyga gyzyklanma bildirýär
Türkmenistanyň Gazagystandaky ilçisi Batyr Rejepow, goňşy döwletiň maglumat syýasatynyň esasy utgaşdyryjysy - Respublikanyň Prezidentiniň Telewideniýe we radio toplumynyň Baş direktory Rauşan Žanabergenowa bilen duşuşdy. Bu barada Türkmenistanyň Gazagystandaky ilçihanasy habar berýär.
Taraplar hyzmatdaşlygy ýola goýmaga, şeýle hem köpçülikleýin habar beriş serişdeleriniň mazmunyny alyş-çalyş etmek, bilelikde öndürmek we milli we halkara derejesinde ýaýratmak ýaly ugurlarda hyzmatdaşlygyň geljegine gyzyklanma bildirdiler. Hyzmatdaşlygy giňeltmek üçin bilelikdäki işleri dowam etdirmegiň ähmiýeti hem nygtaldy.
Mundan başga-da, türkmen diplomaty Rauşan Žanabergenowa bilen türkmen-gazak gatnaşyklarynyň umumy ýagdaýy barada pikir alyşdy. Taraplaryň nygtaýşy ýaly iki ýurduň arasynda diňe bir syýasy-diplomatik we söwda-ykdysady ulgamlarda däl, eýsem medeni-ynsanperwer ulgamdaky hyzmatdaşlygy hem ep-esli işjeňleşýär.
Gazagystanyň Prezidentiniň Telewideniýe we radio toplumy özüne "Jibek Joly" teleýaýlymyny we onuň "Jibek Joly Cinema" düzüm birligini, "Kazinform" habarlar agentligini hem-de Dokumental kino merkezine özüne birleşdirýär.
ORIENT news
