Uilýam Luis “The Washington Post” gazetiniň Baş direktory boldy
Köpçülikleýin habar beriş serişdeleri ulgamynyň görnükli işgäri Uilýam Luis Amerikanyň Birleşen Ştatlarynyň “The Washington Post” gazetiniň neşirçisi we Baş direktory wezipesine bellendi.
Luis amerikan žurnalistikasynda ähmiýetli orny eýeleýän “Washington Post” gazetine ýolbaşçylyk eder. Bu işe ol 2024-nji ýylyň 2-nji ýanwaryndan girişer.
Luis “The News Movement” neşirini esaslandyryjy, Baş direktory we neşirçisi, şeýle hem “Z” nesline gönükdirilen “Dow Jones” we “Wall Street Journal” neşirleriniň ozalky Baş direktory we neşirçisidir.
“Amazon” kompaniýasynyň esaslandyryjysy Jeff Bezos “Washington Post” gazetini 2013-nji ýylda satyn aldy we onuň okyjylary hususan-da öňki prezident Donald Trumpyň döwründe has köpeldi.
Emma Donald Trump “Ak tamdan” gaýdanyndan soň, gazetiň okyjylarynyň sany 2021-nji ýylda 28 göterim azaldy. Şol bir wagtda bolsa gazetiň abunaçylarynyň sany hem 15% peseldi.
Ozalky neşirçi we ýerine ýetiriji direktor Fred Raýan iýun aýynda on ýyla golaý wagtdan soň “Waşington Post” gazetiniň başlyklygyndan aýrylýandygy barada habar berdi.
ORIENT news
