Dewid Kemeron Beýik Britaniýanyň daşary işler ministri wezipesine bellenildi

Noýabr 14, 2023 | 06:30 |8220

Beýik Britaniýanyň ozalky Premýer-ministri Dewid Kemeron ýurduň daşary işler ministri wezipesine bellenildi. Häzirki Premýer-ministr Rişi Sunakyň ofisi bu maglumaty tassyklady.

“Dewid Kemeron daşary işler, Arkalaşygyň işleri we halkara ösüşi ministri wezipesine bellenildi” diýlip habarda aýdylýar.

Ozal Kemeronyň ministr wezipesine bellenilmegi üçin lordlar palatasynda orun almalydygy habar berlipdi.

Dewid Kemeron 2010-2016-njy ýyllar aralygynda Birleşen Patyşalygyň Premýer-ministri bolupdy.

2017-nji ýylyň oktýabr aýynda Kemeronyň elektron tölegler bilen meşgulanýan First Data amerikan kompaniýasyna işe ýerleşendigi habar berlipdi.

ORIENT news