Arkadag şäheriniň häkimi Germaniýada gulluk iş saparynda bolar

Noýabr 12, 2023 | 14:44 |7856

13 - 18-nji noýabrda Arkadag şäheriniň häkimi Şamuhammet Durdylyýewiň ýolbaşçylygyndaky türkmen wekiliýeti Germaniýa Federatiw Respublikasynda gulluk iş saparynda bolar. Bu barada Türkmenistanyň resmi metbugaty habar berýär.

Saparyň dowamynda wekiliýet agzalary jemagat hyzmatlarynda peýdalanylýan tygşytlylyk hem-de ekologik howpsuzlyk babatda halkara talaplara laýyk gelýän ýöriteleşdirilen awtoulaglaryň, ugurdaş tehnikalaryň, gurallaryň we enjamlaryň öndürilişi, şeýle hem olaryň tehniki aýratynlyklary bilen tanyş bolarlar.

Bu sapar Türkmenistanda ýaşaýyş jaý we jemgyýetçilik hyzmatlarynyň derejesini has-da ýokarlandyrmaga gönükdirilendir.

ORIENT news