Belarusda “Durmuşyňy ýakma!” atly wagyz ediş çäresi geçirilýär
Tebigata ünssüz çemeleşme we çilim çekmek netijesinde döreýän ýangynlar barada ilaty habardar etmek maksady bilen 8 – 28-nji noýabrda Belarus Respublikasynda “Durmuşyňy ýakma!” atly habar beriş we wagyz ediş möwsümi geçirilýär. Bu barada “BELTA” habarlar agentligi mälim edýär.
Iki tapgyrda geçiriljek bu möwsümiň çäklerinde dürli çäreler geçiriler. 8-nji noýabrdan 17-nji noýabr aralygynda senagat we gaýtadan işleýän kärhanalarda, umumy ýaşaýyş jaýlarynda, azyk ulaglarynyň ýerleşýän ýerlerinde, şeýle hem köpçülik ýerlerinde çäreler meýilleşdirilýär. Adatdan daşary ýagdaýlar ministrliginiň işgärleri çärä gatnaşyjylar bilen interaktiw söhbetdeşlik geçirer hem-de seresapsyzlyk sebäpli döreýän ýangynlaryň netijeleri barada wideolary görkezer.
Möwsümiň ikinji tapgyrynyň çäklerinde 20-nji noýabrdan 28-nji noýabr aralygynda Adatdan daşary ýagdaýlar ministrliginiň işgärleri uniwersitetlerde, kollejlerde, liseýlerde, howpsuzlyk merkezlerinde we beýleki jemgyýetçilik ýerlerinde iş alyp bararlar. Çärä gatnaşyjylar üçin wiktorinalar, kiçi ýaryşlar, açyk gepleşikler we başga-da birnäçe çäreler geçiriler.
Köp adamly ýerlerde we açyk ýerlerde Adatdan daşary ýagdaýlar ministrliginiň wagyzçylary “Howpsuz dynç alyş seýilgähi” we “Çilimsiz sergi” atly çäreleri gurarlar. Internet ulgamynda her kimiň gatnaşyp biljek “Ýatýan ýerimde çilim çekmeýärin we size hem maslahat beremok” atly iň gowy wideoşekilleriň bäsleşigi geçiriler.
ORIENT news
