“Türkmentel-2023” atly forumyň çäklerinde ikitaraplaýyn gepleşikler geçirildi
“Türkmentel-2023” halkara sergisiniň we ylmy konferensiýanyň çäginde daşary ýurt kompaniýalarynyň wekilleriniň Türkmenistanyň degişli pudak edaralarynyň ýolbaşçylary bilen ikiçäk duşuşyklary geçirildi.
Hususan-da, german kompaniýalary “Heidelberger Druckmaschinen Eastern Europe” we “LS Telecom Ag” kompaniýalarynyň direktorlary Gerhard Fişer we Georg Şýone bilen gepleşikler geçirildi. Myhmanlar wise-premýer Mährijemal Mämmedowa, Türkmenistanyň Ministrler Kabinentiniň ýanyndaky Ulag we kommunikasiýalar agentliginiň Baş direktory Mämmethan Çakyýew we “Türkmenragatnaşyk” agentiginiň başlygy Hajymyrat Hudaýgulyýew bilen duşuşdylar.
Çakyýew we Hudaýgulyýew “Turk Telekommunikasyon A.Ş” kompaniýasynyň Baş direktory Umit Onalyn bilen gepleşiklerde aragatnaşyk babatda türkmen-türk hyzmatdaşlygynyň gljegini maslahatlaşdylar.
Türkmenistanyň Ministrler Kabinentiniň ýanyndaky Ulag we kommunikasiýalar agentliginiň Baş direktory hem-de “Türkmenragatnaşyk” agentiginiň başlygy Finlýandiýanyň “Nokia” kompaniýasynyň Türkiýe we Merkezi Aziýa boýunça wise-prezidenti Demetrio Russo, Ýaponiýanyň “NEC MENA” kompaniýasynyň prezidenti Naoki Nakamura, Fransiýanyň “Eutelsat” satuw boýunça wise-prezidenti Hani Aksamawati Al Arja, Niderlandlaryň “Soterian” kompaniýasynyň esaslandyryjysy we baş direktory Anoş Takkar hem-de Azerbaýjanyň “Delta Telecom LTD” kompaniýasynyň işe girizmek we dolandyrmak müdiriýetiniň direktory Anar Abbas bilen aýratynlykda gepleşikleri geçirdiler.
ORIENT news
