Türkmen we slowen ilçileri ýurtlaryň arasyndaky hyzmatdaşlygy ara alyp maslahatlaşdylar
Türkmenistanyň Russiýa Federasiýasyndaky ilçisi Batyr Nyýazlyýew sloweniýaly kärdeşi Darýa Bawdaž Kuret bilen duşuşdy. Onda syýasy we diplomatik hyzmatdaşlygy güýçlendirmek bilen baglanyşykly meseleler ara alnyp maslahatlaşyldy. Bu barada Türkmenistanyň Russiýa Federasiýasyndaky diplomatik wekilhanasy habar berýär.
Duşuşykda Türkmenistan bilen Sloweniýanyň arasyndaky dostluk, özara hormat goýmak, deň hukuklylyk ýörelgelerine esaslanýan gatnaşyklaryň yzygiderli ösdürilýändigi bellendi. Şunda ykdysadyýet, söwda, energetika, medeni-ynsanperwer ulgamlarda uly mümkinçilikleriň bardygy bellendi.
Hökümetara we daşary işler ministrlikleriniň arasyndaky gatnaşyklary pugtalandyrmaga, şeýle hem iki ýurduň hususy düzümleriniň arasynda işewürlik gatnaşyklary ýola goýmaga aýratyn üns berildi. Şunuň bilen baglylykda, Sloweniýanyň ilçisi türkmen-ýewropa hyzmatdaşlygynyň çäginde Türkmenistan bilen Sloweniýanyň arasyndaky gatnaşyklaryň ösdürilmeginiň möhümdigini belledi.
Taraplar geljekde işewürlik gatnaşyklaryny dowam etdirmegi ylalaşdylar.
ORIENT news
