Çynar Rüstemowa ÝUNESKO-nyň bilim boýunça dialogyna gatnaşdy
ÝUNESKO-nyň işleri boýunça Türkmenistanyň Milli toparynyň jogapkär sekretary Çynar Rüstemowanyň başlyklygyndaky wekiliýet dowamly parahatçylygy gurmakda bilimiň tutýan ornuny ýokarlandyrmaga bagyşlanan ýokary derejeli dialoga gatnaşdy.
“Ýokary derejeli dialog häzirki döwürde bilimiň hiliniň nähili bolmalydygyny ara alyp maslahatlaşmak üçin dünýäniň dürli künjeklerinden pikirleri bir ýere jemledi” diýlip, ÝUNESKO-nyň işleri boýunça Türkmenistanyň Milli toparynyň berýän metbugat beýanatynda mälim edilýär.
Duşuşykda bilim ministrlikleriniň we degişli pudak edaralarynyň ýolbaşçylary dowamly parahatçylygy gurmakda bilimiň näderejede bolmalydygy barada pikir alyşdylar. Mundan başga-da, bu ugurda milli tejribäniň aýratynlyklary, şol sanda dürli bilim maksatnamalaryny durmuşa geçirmekde pikirler alşyldy.
ÝUNESKO-nyň Baş Maslahatynyň 42-nji mejlisine türkmen wekiliýeti gatnaşýar. Bu görnüşdäki mejlis her iki ýylda bir gezek geçirilýär. Onda geçen döwürde medeni mirasy gorap saklamak, ylmy, bilim we medeni baglanyşyk we beýleki ugurlar bilen baglanyşykly meseleler ara alnyp maslahatlaşylýar.
ORIENT news
