Türkmenistanyň 7 kazysyna 5-nji hünär derejesi berildi
Türkmenistanyň Prezidenti Serdar Berdimuhamedowyň Karary bilen ýurduň 7 kazysyna 5-nji hünär derejesi berildi we şäherleriň we welýatlaryň etraplarynyň kazyýetleriniň kazylary wezipesine bellendi. Bu barada Döwlet habarlar agentligi mälim edýär.
Türkmenistanyň kanunçylygyna laýyklykda kazyýet ulgamynda jemi 6 hünär derjesi bar. 5-nji hünär derejesi, etrap kazyýetinde kazy ýa-da administratiw we ýerine ýetiriji kazyýet işi üçin kazy wezipesini ýerine ýetirmäge mümkinçilik berýär. Bu hünär derejesinde işlemegiň dowamlylygy 3 ýyla barabardyr.
Şeýle hem döwlet Baştutanynyň Karary bilen, Türkmenistan Arbitraž kazyýetiniň kazysy Annageldi Nuryýewiň we Aşgabat şäheriniň Berkararlyk etrabynyň kazysy Ogulgöwher Gylyçlyýewanyň iş möhletiniň tamamlanmagy sebäpli wezipeden boşadyldy.
ORIENT news
