Türkmenistanyň Pariždäki Ýewraziýa hepdeligine gatnaşmagyna garaşylýar
Ykdysady hyzmatdaşlyk we ösüş guramasynyň Ýewraziýa müdiriýetiniň wekiliýeti, Aşgabat şäherine saparynyň dowamynda, 7-nji noýabrda, ikitaraplaýyn duşuşyga gatnaşmak üçin Türkmenistanyň Söwda-senagat edarasyna bardy. YHÖG-niň bu bölüminiň ýolbaşçysy Söwda-senagat edarasynyň başlygy Mergen Gurdow bilen söhbetdeşliginde Türkmenistanyň indiki aýda, 12-14-nji dekabr aralygynda Parižde geçiriljek YHÖG-niň Ýewraziýa hepdeligine gatnaşmagyna garaşylýandygyny, we bu çäre barada umumy düşünjeleri belledi.
Duşuşykda taraplar Türkmenistan bilen YHÖG-niň arasynda peýdaly özara hyzmatdaşlygy ösdürmek barada öz pikirlerini aýtdylar, iş gurşawyny gowulandyrmak, maýa goýumlaryny çekmek, sanly ulgamy kämilleşdirmek we ýurduň bu gurama goşulmagy ýaly meseleleri ara alyp maslahatlaşdylar. Gepleşikleriň temalarynyň biri hem Türkmenistanyň Transhazar halkara ulag geçelgesiniň ösüşine gatnaşmagy boldy. Bu barada Türkmenistanyň Söwda-senagat edarasynyň metbugat gullugy habar berýär.
YHÖG halkara söwdasyny ösdürmek we ykdysady ösüşi höweslendirmek üçin 1961-nji ýylda döredilen halkara guramadyr. YHÖG ösen we käbir ösýän ýurtlary birleşdirýär. Olaryň umumy sany 38-e deňdir. YHÖG-niň Baş edarasy Parižde ýerleşýär.
ORIENT news
