Aşgabatda indiki nesil ykjam aragatnaşyk ulgamlaryny işe girizmek boýunça hukuk maslahaty geçiriler
9-njy noýabrda Aşgabatda Halkara elektroaragatnaşyk birleşigi tarapyndan guralýan “Indiki nesil ykjam aragatnaşyk ulgamlaryny işe girizmek (IMT-2020/5G)” atly iki günlük okuw maslahatyna badalga berler.
Bu çärä telekommunikasiýalar, telemetriýa, maglumat tehnologiýalary we teleradio enjamlary boýunça “Türkmentel-2023” XVI halkara sergisiniň we ylmy maslahatynyň çäklerinde geçiriler.
Okuw maslahaty döwlet edaralarynyň, ylmy intelligensiýanyň we aragatnaşyk operatorlarynyň wekillerini bir ýere jemlär. Çäräniň dowamynda 5G tehnologiýasynyň aýratynlyklary we artykmaçlyklary, 5G ulgamlaryny işe girizmek we ösdürmek babatda öňdebaryjy tejribe ýaly meselelere deglip geçiler.
Şeýle hem çärä gatnaşyjylar 5G tehnologiýalaryny hem-de hyzmatlaryny ýurtda ornaşdyrmak boýunça Türkmenistanyň alyp barýan işleri bilen tanşarlar.
Aýratyn mowzuklaýyn mejlisler 5G/IMT-2020 tehnologiýasyny kämilleşdirmäge we 6G tehnologiýasyna geçmäge bagyşlanar.
Çärede çykyş etjekleriň hatarynda - Halkara elektroaragatnaşyk birleşiginiň radio aragatnaşyk býurosynyň üýtgewsiz we göçme gulluklary bölüminiň ýolbaşçysy Karlis Bogens, Ubiquitous Wireless LLP-niň (Gazagystan) tehniki direktory Wadim Poskakuhin, sanly özgerişi çaltandyrmak forumynyň hem-de GSMA-da Demirgazyk-Gündogar Aziýa sebitiniň ýolbaşçysy Jon Dewid Kim bar.
ORIENT news
