Tokio täze ilçisini Aşgabat şäherine iberdi
Türkmenistanyň Daşary işler ministri Raşid Meredow 7-nji noýabrda, Ýaponiýanyň Türkmenistandaky täze ilçisi Sasaki Hirosi bilen duşuşdy we ynanç hatlarynyň nusgalaryny kabul etdi.
Ministr ilçini jogapkär wezipä bellenmegi bilen gutlady we diplomatik missiýasynyň ýerine ýetirilmegi üçin doly ýardam we goldaw bermäge taýýardygyny beýan etdi diýip, Türkmenistanyň Daşary işler ministrliginiň beýanynda aýdylýar.
Raşid Meredow we Sasaki Hirosi häzirki ikitaraplaýyn gün tertibine göz aýladylar, hyzmatdaşlygyň geljegi barada pikir alyşdylar hem-de halkara we sebit guramalarynyň arasynda, şol sanda Merkezi Aziýa+Ýaponiýa dialoglary görnüşinde netijeli özara gatnaşyklary bellediler.
Şeýle hem, döwletara gatnaşyklaryny ösdürmekde parlament diplomatiýasynyň möhüm orny nygtaldy. Bu nukdaýnazardan, Halk Maslahatynyň Başlygy Gurbanguly Berdimuhamedowyň geçen ýylyň sentýabr aýynda Ýaponiýa eden saparynyň netijeleri nygtaldy.
Söwda we ykdysady gatnaşyklara aýratyn üns berildi. Gatnaşyklaryň ileri tutulýan ugurlaryny kesgitlän taraplar, energetika, ulag we aragatnaşyk, senagat, oba hojalygy, daşky gurşawy goramak, şeýle hem Türkmenistanda ýapon dilini öwrenmek ýaly medeniýet, ylym, bilim pudagyndaky mümkinçiliklerini belediler.
ORIENT news
