AFK-nyň Çempionlar ligasynda “Ahal” we “Pahtakor” deňme-deň oýnady
Noýabr 08, 2023 | 17:57 |7316
Türkmenistanyň çempiony “Ahal” futbol topary AFK-nyň Çempionlar ligasynyň 4-nji aýlawynyň duşuşyklarynyň çäklerinde öz ýerinde Özbegistanyň “Pahtakor” toparyny kabul etdi. Duşuşyk 1:1 hasabynda tamamlandy diýip, Türkmenistanyň Halkara habarlar merkezi mälim edýär.
“Pahtakoryň” 7-nji belgili oýunçysy Odiljon Hamrobekow gyzyl kart alyp, oýundan çykdy. Bu toparyň oýnunda birnäçe kynçylyklary döretdi.
Birnäçe hüjümlerden soň, oýnuň 81-nji minutynda “Ahalyň” oýunçysy Alibek Abdyrahmanow gol geçirdi. Ol tomaşaçylar tarapyndan gyzgyn garşylandy. Ýöne, “Pahtakor” boýun egmek islemedi.
Az oýunçyly galandygyna garamazdan, “Paktakor” futbol topary oýnuň soňky minutlarynda gol geçirip hasaby deňlemegi başardy.
ORIENT news
