Türkmenistanda intellektual tehnologiýalary boýunça ýokary bilim alan uçurymlaryň sany 3 ýylda 3 esse artar
Türkmenistanyň ýokary okuw mekdeplerinde Intellektual tehnologiýalary ugry boýunça bilim alan uçurymlaryň sany 2026-njy ýylda 3 esse, ýagny şu ýylky 797 sany uçurymdan 2163 sany uçuryma çenli artar. Bu barada Türkmenistanyň Prezidentiniň ýanyndaky Döwlet gullugy akademiýasynyň prorektory Kakageldi Hümmäýew Bilim ministrliginiň maglumatlaryna salgylanyp habar berýär.
Bellenişi ýaly, maglumat tehnologiýalary ugrunda bilim alan uçurymlaryň sany şu ýyl 698 sany bolan bolsa, bu görkeziji 2026-njy ýylda 1771-e ýeter. Kiberhowpsuzlyk ugrunda bilim alanlaryň sany hem şu ýylky 99 san mukdaryndan 372-ä ýetip, ol hem 3 esse artar.
Bu ugurlarda hünärmenleri taýýarlaýan esasy ýokary okuw mekdepleri Oguz han adyndaky Inžener-tenologiýalar uniwersiteti, Magtymguly adyndaky Türkmen döwlet uniwersiteti, Ý.Kakaýew adyndaky Halkara nebit we gaz uniwersiteti, Telekommunikasiýalar we informatika instituty, Halkara ynsanperwer ylymlary we ösüş uniwersiteti bolup durýar.
Bu ugurlarda ýokary bilimli hünärmenleriň taýýarlanylmagy ylym we oýlap tapyş ugurly pudagyň ösmegine özüniň goşandyny goşar.
ORIENT news
