Belgiýadaky türkmen ilçisi Ýewroparlamentiň esasy adamlarynyň biri bilen duşuşdy
Türkmenistanyň Belgiýa Patyşalygyndaky ilçisi, Ýewropa Bileleşiginiň ýanyndaky wekilhananyň ýolbaşçysy Sapar Pälwanow duşenbe güni Brýussel şäherinde Ýewropa Parlamentiniň daşary işler boýunça komitetiniň başlygy, Ýewropanyň Halk partiýasynyň fraksiýasynyň görnükli işgäri Dewid Makalister bilen duşuşdy.
Duşuşygyň barşynda ilçi Türkmenistan bilen Ýewropa Bileleşigini arasynda ýakyn hyzmatdaşlygy üpjün etmekde paralmenatara gatnaşyklarynyň möhüm ähmiýetini belledi. Şeýle hem gyzyklanma bildirilýän ähli ugurlarda, şol sanda syýasy gatnaşyklar, ykdysady ösüş we medeni alyş-çalyş boýunça özara pikir alyşmalar geçirildi.
Deputat Tomaş Zdehowskiýniň başlyklyk etmeginde Ýewropa Parlamentiniň wekiliýetiniň şu ýylyň iýun aýynda Türkmenistana bolan saparynyň möhüm ähmiýetini bellemek bilen, Sapar Pälwanow türkmen düzümleri, şol sanda Hökümet edaralarynyň, hususy düzümleriň we jemgyýetçilik guramalarynyň wekilleri bilen şunuň ýaly duşuşyklary geçirmegiň ähmiýetlidigini nygtady.
Bellenişi ýaly, saparyň çäklerinde bolan duşuşyklar parlamentara gatnaşyklary işjeňleşdirmek üçin möhüm binýady emele getirdi.
Öz gezeginde, Dewid Makalister Ýewropa Bileleşiginiň strategik geljeginde Merkezi Aziýanyň ileri tutulýan sebitleriň biri hökmünde görülýändigini belledi. Ýewropa Parlamentiniň deputaty 2024-nji ýylda boljak saýlawlaryň esasy ugurlary barada durup geçdi. Şeýle hem, "ÝB-Merkezi Aziýa", "Merkezi Aziýa-Germaniýa" görnüindäki hyzmatdaşlyga oňyn baha berýändigini nygtady.
ORIENT news
