Ýewropadaky howpsuzlyk Merkezi Aziýada howpsuzlyk bolmasa hakykat bolmaz – Siýýarto
Türki ýurtlarynyň gatnaşmagy Ýewropada täze howpsuzlyk binagärligini döretmekde möhüm faktor hökmünde görülýär. Sebäbi Ýewropadaky häzirki geosyýasy ýagdaý birnäçe kynçylyklar bilen häsiýetlendirilýär diýip, Wengriýanyň Daşary işler ministri Peter Siýýarto Gazagystanyň Silk Way teleýaýlymyna beren interwýusynda aýtdy.
«Türkiýesiz we türki dünýäsiz Ýewropada durnukly howpsuzlyk binagärliginiň bolmajagyny pikir edýäris. Bu durnukly strategiýany durmuşa geçirmek üçin Türkiýäniň we Türki döwletleriniň, esasanam Merkezi Aziýa ýurtlarynyň gatnaşmagy zerurdyr», - diýip Siýýarto belledi.
«Biz özümizi üzňeleşdirip bilmeris. Merkezi Aziýada howpsuzlygy göz öňünde tutmazdan Ýewropada howpsuzlyk üpjün edilmez we hiç haçan bu hakykat bolmaz. Şonuň üçin geljekde hyzmatdaşlygymyz has ýakyn we has berk bolmaly», — diýip, Wengriýanyň ministri Astana TDG-ň sammitiniň çäginde aýtdy.
Türki döwletleriň guramasy (TDG) 2009-njy ýylda türki dilli döwletleriň hyzmatdaşlyk geňeşi hökmünde döredildi. Gurama Azerbaýjan, Gazagystan, Gyrgyzystan, Türkiýe we Özbegistan girýär. Wengriýa we Türkmenistan synçy döwletler bolýar.
ORIENT news
