Türkmenistan we BMG-niň Taslama hyzmatlary boýunça müdirligi hyzmatdaşlygy giňelder
Türkmenistanyň daşary işler ministri Raşid Meredow penşenbe güni Aşgabat şäherine gelen BMG-niň Taslama hyzmatlary boýunça köp ýurtly edarasynyň (ÝUNOPS) müdiri Freýa fon Groote bilen gepleşik geçirdi.
Duşuşygyň dowamynda taraplar Türkmenistan bilen BMG-niň arasyndaky hyzmatdaşlygyň ileri tutulýan ugurlaryny ara alyp maslahatlaşdylar, halkara taslamalaryna hyzmat etmek nukdaýnazaryndan ÝUNOPS bilen netijeli özara gatnaşyklary ösdürmek barada pikir alyşdylar.
Söhbetdeşler saglygy goraýyş, daşky gurşawy goramak we ýaşyl energetika, şeýle hem hünärmenleri taýýarlamak pudagyndaky hyzmatdaşlyk meselelerini ara alyp maslahatlaşdylar.
Daşary işler ministrliginiň websaýtynda türkmen tarapy ekologiýa, infrastruktura, energiýa, oba hojalygy, sanly geçiş hem-de ýer we suw baýlyklaryny netijeli dolandyrmak babatynda hyzmatdaşlygy has-da giňeltmegiň möhümdigini aýtdy.
Taraplar ÝUNOPS-yň wekilhanasynyň biziň ýurdumyzdaky işini utgaşdyrmak üçin ikitaraplaýyn özara gatnaşyk mehanizmini döretmek barada ylalaşdylar.
Duşuşykdan soň Türkmenistan Hökümeti bilen ÝUNOPS arasynda özara düşünişmek Ähtnamasyna we Türkmenistanyň Daşky gurşawy goramak ministrligi bilen ÝUNOPS-yň arasynda özara düşünişmek Ähtnamasyna gol çekmek dabarasy geçirildi.
ORIENT news
