Serdar Berdimuhamedow Nepalda bolup geçen ýertitreme sebäpli gynanç bildirdi
Türkmenistanyň Prezidenti Serdar Berdimuhamedow köpsanly adam pidalaryna, şikes ýetmelerine we weýrançylyklara getiren ýertitreme sebäpli Nepal Federatiw Demokratik Respublikasynyň Prezidenti Ramçandre Paudelýa we ýurduň Premýer-ministri Puşpe Kamalýa Dahala çuňňur gynanjyny bildirdi.
Döwlet Baştutany hatynda Türkmenistanyň Hökümetiniň we halkynyň adyndan, şeýle hem öz adyndan gurban bolanlaryň ýakynlaryna çuňňur gynanjyny bildirip, ejir çekenleriň tiz wagtda sagalmaklary baradaky arzuwlaryny beýan etdi. Bu barada Türkmenistanyň Döwlet telewideniýesi habar berýär.
Şenbe gününe geçilrn gijede Nepalyň Karnali welaýatynyň Jajarkot etrabynda 6,4 ballyk ýer titredi. Ondan soňa, pes ýygylykly ýertitremeleriň birnäçesi bolup geçdi. Köpsanly öýler ýumrulyp, dag üstündäki ýollaryň omrulmagy netijesinde, ýollar petiklendi. Bu öz gezeginde halas ediş toparlaryň tebigy heläkçiligiň bolan ýerine kömege barmaklarynda kynçylyk döretdi.
Ýurduň polisiýasynyň şenbe güni habar bermegine görä, şol wagt 143 sany wepat bolan, 166 sany hem şikes alan adamlar hasaba alyndy.
ORIENT news
