Ýewropa Bileleşigi Merkezi Aziýadaky taslamalara 21 million ýewrodan gowrak serişde goýbermäge taýýar
Bu Ýewropa Bileleşiginiň täjirçilik maksatly bolmadyk Merkezi Aziýa sebitine goýberjek iň uly maliýe serişdesi bolar.
Ýewropa Bileleşigi bu maliýe serişdesini migrasiýa meseleleri we ykdysady ösüş bilen bagly taslamalara goldaw hökmünde goýbermegi meýilleşdirýär. Şeýle hem Merkezi Aziýada adam hukuklary, gender deňligi we mümkinçiligi çäkli adamlary goldamak bilen bagly taslamalara aýratyn üns berler.
21 million ýewrolyk bu grant serişdesi Ýewropa Bileleşigi tarapyndan maliýeleşdirilýän Migrasiýa syýasatyny ösdürmek boýunça halkara merkezi tarapyndan goýberiler. Taslamanyň çäklerinde Merkezi Aziýa ýurtlarynyň 5-siniň - Türkmenistanyň, Gazagystanyň, Gyrgyzystanyň, Täjigistanyň we Özbegistanyň täjirçilik maksatly bolmadyk guramalaryny maliýeleşdirmek meýilleşdirilýär. Şunda serhetýaka sebitlerinde raýat jemgyýetiniň ösdürilmegine, migrasiýa we serhetýaka çäkleri boýunça jemgyýetiň ara alyp maslahatalaşmalaryny guramak wezipe hökmünde goýulýar.
Grant serişdesini hususan-da, Merkezi Aziýa döwletleriniň hökümet edaralary bilen ýakyn hyzmatdalygy saklaýan guramalara bölüp bermek göz öňünde tutulýar. Şeýle hem durmuşa geçirilýän taslama barada jemgyýetiň habardarlygyny çokarlandyrmak esasy talaplaryň biridir.
Maksatnamanyň çäklerinde grant görnüşddäki pul serişdelerini almak üçin ýüztutmalar 19-njy noýabra çenli kabul edilýär.
ORIENT news
