Pakistanyň Premýer-ministri Daşkentde YHG-a agza döwletleriň Liderleri bilen gepleşikleri geçirer
Pakistanyň Premýer-ministri Anwaar-ul-Hak Kakar 8-nji noýabrda 3 günlük sapa bilen Daşkent şäherine ugrar. Saparyň dowamynda ol Ykdysady Hyzmatdaşlyk Guramasynyň (YHG) 5-nji işewürlik forumyna gatnaşar.
Forumyň çäklerinde Pakistanyň Premýer-ministri YHG-a agza döwletleriň Liderleri bilen duşuşyklary bolar diýip, "The News International" neşiri habar berýär. Pakistanyň Premýer-ministriniň Özbegistana saparynyň barşynda ýurduň daşary işler ministriniň wezipesini wagtlaýyn ýerine ýetiirji Saýed Jalil Abbas Jaýlani we Ministrler Kabinetiniň beýleki agzalary ýanynda bolarlar.
YHG-anyň işewürlik forumy gurama agza döwletleriň we daşary ýurtlaryň birnäçesiniň 200-den gowrak kompaniýasynyň wekillerini bir ýere jemlär. Bellenişi ýaly, Pakistanyň Premýer-ministriniň Azerbaýjanyň, Eýranyň, Täjigistanyň, Türkmenistanyň, Owganystanyň, Gazagystanyň, Gyrgyzystanyň we Özbegistanyň Liderleri bilen duşuşyklary meýilleşdirilýär.
Ozal habar berşimiz ýaly, YHG-nyň döwlet Baştutanlarynyň 16-ny sammitine gatnaşmak üçin Türkmenistanyň Prezidenti Serdar Berdimuhamedow 8-9-njy noýabrda Özbegistanda iş saparynda bolar.
ORIENT news
