Türkmenistanyň ilçisi Aýlagyň Arap döwletleri üçin Hyzmatdaşlyk Geňeşiniň Baş sekretary bilen duşuşdy
Türkmenistanyň Saud Arabystany Patyşalygyndaky ilçisi Orazmuhammet Çaryýew 2-nji noýabrda, Aýlagyň Arap döwletleri (AADHG) Hyzmatdaşlyk Geňeşiniň Baş sekretary Jasem Muhammet Albudawi bilen duşuşdy. Taraplar 2023-nji ýylyň iýul aýynda Jiddede geçirilen AADHG-iň we Merkezi Aziýa ýurtlarynyň sammitiniň ähmiýetini bellediler. Şunuň bilen baglylykda, Türkmenistanyň Prezidenti Serdar Berdimuhamedowyň sammitde öňe süren tekliplerini durmuşa geçirmegiň ýollary ara alnyp maslahatlaşyldy.
Söhbetdeşler Türkmenistan bilen Geňeş ýurtlarynyň arasyndaky hyzmatdaşlygyň mümkinçiliklerinden peýdalanyp, gatnaşyklary giňeltmek we pugtalandyrmak meseleleri boýunça pikir alyşdylar diýip, türkmen Daşary işler ministrliginiň metbugat gullugy habar berýär.
Merkezi Aziýa ýurtlarynyň we Aýlagynyň Arap döwletleriniň Hyzmatdaşlyk Geňeşiniň indiki sammiti Özbegistanda Samarkand şäherinde geçiriler.
ORIENT news
