Russiýanyň Aşgabatdaky ilçihanasy Milli jebislik güni mynasybetli baýramçylyk çäresini guraýar
Russiýa Federasiýasynyň milli baýramçylygy - Milli jebislik güni mynasybetli, ýekşenbe güni, 5-nji noýabrda Russiýanyň Aşgabatdaky ilçihanasynyň Bilim, ylym we medeniýet bölüminiň çäginde birnäçe çäreler geçiriler. Bu çärelere gatnaşmak üçin türkmen paýtagtynyň ýaşaýjylary we myhmanlary hem çagyrylýar.
Baýramçylyk çäreleriniň maksatnamasy şulary öz içine alýar: «Сила в единстве», (“Jebisligiň güýji”) atly rus ertekilerine esaslanýan interaktiw çykyş, “Russiýanyň halklary” temasynda ussatlyk sapaklary, şol sanda şekillerde “Moskwa-Siti” panelini bezemek; Ural tebigatynyň görnüşlerini monjuklar bilen bezemek; Demirgazyk Kawkazyň zenan baş gaplarynyň dizaýny; Tatarystanyň milli bezeglerini tarelkalara çyzmak; alajalardan “Altaý” tumaryny we monjugyny öndürmek; Demirgazyk halklarynyň milli ýaşaýyş jaýynyň (yaranga) nusgasyny ýasamak.
Şeýle hem «Многоликая Россия» (“Dürli görnüşli Russiýa”) wiktorinasy boýunça amaly-haşam sungatynyň ussatlarynyň ýarmarkasy guralýar. Başga-da festiwala gatnaşyjylara başkir, kawkaz, rus we ýakut ýaly halk tanslary hem görkeziler.
Çagalar üçin animatorlaryň gatnaşmagynda birnäçe güýmenjeler gurnalar: köpük rezin şowy, kinetiki çäge, stol futboly, howa plastinasy, halanýan multfilm gahrymanlary bilen reňkleýji kitaplar.
Çäreler 12:00-dan 16:00-a çenli dowam eder. Giriş tölegsizdir, ýöne gatnaşmak isleýänleriň ählisine otdel_tm@mail.ru salgysy ýa-da şu telefon belgisi: +99361 51 0398 arkaly öňünden hasaba alynmaklary haýyş edilýär, görkezilen belgä SMS habaryny hem iberip bilersiňiz.
Russiýa Federasiýasynyň Türkmenistandaky Ilçihanasynyň Bilim, ylym we medeniýet bölümi: Aşgabat ş, Türkmenbaşy şaýoly, 11-nji jaýy.
ORIENT news
