Türkmenistan we Gyrgyzystan iň ýokary we ýokary derejedäki duşuşyklaryň tertibi barada ylalaşdylar
Aşgabatda Türkmenistanyň daşary işler ministri Raşid Meredow bilen Gyrgyzystanyň daşary işler ministri Žeenbek Kulubaýewiň arasynda gepleşikler geçirildi.
1-nji noýabrda “Merkezi Aziýa-Koreýa Respublikasy” hyzmatdaşlyk forumynyň 16-njy mejlisiniň çäginde geçirilen duşuşykda türkmen-gyrgyz hyzmatdaşlygynyň ileri tutulýan ugurlary we geljegi ara alnyp maslahatlaşyldy.
Türkmenistan bilen Gyrgyzystanyň halkara we sebit guramalarynda, ilkinji nobatda BMG-daky gatnaşyklary seljerildi. Ministrler “Merkezi Aziýa +” dialogynyň çäginde hyzmatdaşlygyň möhümdigini we ähmiýetini nygtadylar.
Diplomatlar söwda we ykdysady ugurda giň mümkinçilikleriň bardygyny tassykladylar we ikitaraplaýyn söwda dolanyşygynyň ösüşini bellediler. Şol bir wagtyň özünde, taraplar elektrik energiýasy, gaz senagaty, ulag we logistika pudagyndaky gatnaşyklara, şeýle hem maýa goýumlaryna üns berdiler diýip, Türkmenistanyň Daşary işler ministrliginiň metbugat gullugynyň habarynda bellenýär.
Duşuşygyň dowamynda taraplar iň ýokary we ýokary derejedäki duşuşyklaryň we çäreleriň tertibini hem ara alyp maslahatlaşdylar.
ORIENT news
