Türkmenistanyň media wekilleri gender deňligini beýan etmek boýunça bilimlerini ýokarlandyrýarlar
Her ýylyň 25-nji noýabrynda bellenilip geçilýän Zenanlar we gyzlar bilen gatnaşykda zorlugyň soňuna çykmak boýunça halkara göreş güni mynasybetlu BMG-niň Ilat gaznasynyň Türkmenistandaky wekilhanasynda köpçülikleýin habar beriş serişdeleriniň wekilleri üçin okuw maslahaty geçirildi.
Öwrediji okuw maslahaty köpçülikleýin habar beriş serişdeleriniň işinde gender babatda bilimleri ýokarlandyrmaga, žurnalistleriň bu ugurda beýan ediji ukyplaryny ýokarlandyrmaga gönükdirildi.
Köpçülikleýin habar beriş serişdeleriniň wekilleri, şol sanda blogerler köpçülikleýin maglumat ýaýradyjy serişdelerde gender deňligi boýunça meseleleri ilerletmek usullary hem-de gender deňsizligine göreşmekde medianyň tutýan orny bilen tanyş boldular.
Okuw maslahatyna Gazagystandan halkara bilermenler ýagny, Merkezi Aziýa sebitinde gender sütemine garşy göreşmekde jemgyýetçilik gatnaşyklary boýunça hünärmen Madi Mambetow we «BeGlobe» atly Aragatnaşyk boýunça agentligiň direktory Natalýa Sludskaýa gatnaşdylar.
Bu çäre BMG-niň Ilat gaznasynyň Türkmenistanyň Döwlet, hukuk we demokratiýa institutynyň bilelikdäki taslamasynyň çäklerinde geçirildi.
ORIENT news
