Türkmenistan Londonda we Berlinde işewürlik forumlaryny gurar
20-nji noýabrda Berlinde Türkmen-german işewürlik forumyny, 22-23-nji noýabrda bolsa, Londonda maýa goýum forumyny geçirmek meýilleşdirilýär. Bu barada Ministrler Kabinetiniň Başlygynyň söwda we dokma toplumyna gözegçilik edýän orunbasary penşenbe güni geçirilen Hökamet mejlisinde Prezident Serdar berdimuhamedowa hasabat berdi. Bu barada Türkmenistanyň Döwlet habarlar agentligi mälim edýär.
Bu forumlaryň dowamynda Türkmenistanyň ykdysady ösüşi we maýa goýum mümkinçilikleri, maglumat tehnologiýalary, ulag, telekommunikasiýa ulgamlarynda ýurdumyzyň infrastrukturasyny ösdürmegiň maýa goýum taslamalary bilen tanyşdyrmak, nebitgaz, himiýa we beýleki senagat pudaklaryny, bank, ätiýaçlandyryş pudaklaryny ösdürmegiň ugurlary ara alnyp maslahatlaşylar.
Döwlet Baştutany Berlin şäherinde boljak Türkmen-german işewürlik maslahatynda, şeýle hem London şäherindäki maýa goýum forumynda milli ykdysadyýetimizi has-da ösdürmäge gönükdirilen taslamalara uly orun berilmelidigini belläp, bu babatda wise-premýere birnäçe tabşyryklary berdi.
ORIENT news
