Aşgabatda Merkezi Aziýa-Koreýa Respublikasynyň ýaş telekeçileriniň işewürlik forumy geçirildi
Ýaş telekeçileriň işewürlik forumy 16-njy Merkezi Aziýa-Koreýa Hyzmatdaşlyk Forumynyň çäginde Aşgabatda geçirildi. Işewürlik çäresi, çarşenbe güni,1-nji noýabrda Türkmenistanyň Söwda-senagat palatasynyň mejlisler zalynda boldy.
Umumy mejlisde Söwda-senagat palatasynyň başlygy Mergen Gurdow we Merkezi Aziýa-Koreýa Hyzmatdaşlyk Forumynyň sekretariatynyň ýerine ýetiriji direktory Ri Jon Guk gutlag sözi bilen çykyş etdiler.
Işewürlik forumyň birinji sessiýasy, alty ugurly dialog ýurtlarynda ýaşlaryň telekeçiligini ösdürmek üçin hökümetiň goldaw çärelerine bagyşlandy. Özbegistanly, Täjigistanly, Gazagystanly, Gyrgyzystanly, şeýle hem Türkmenistanly wekiller, hususan-da «Altyn Kanun» we «Eksport Konsalting» kompaniýalarynyň wekilleri öz ýurtlarynyň tejribesi barada gürrüň berdiler.
Ikinji sessiýanyň mowzugy, başlangyç telekeçiligini we başlangyç inkubatorlaryny ösdürmek boldy we onda innowasiýa kärhanalaryny açmak üçin wençura gaznalarynyň işi gözden geçirildi. Oňa Koreýanyň «Rowigos», türkmeniň «Netijelik», «Keymir» we «Maslahatly çözgüt», Özbegiýanyň «Technopark» kompaniýalarynyň we Täjigistanyň döwlet biznes inkubatorynyň garaşsyz geňeşçileri we ýolbaşçylary gatnaşdy.
Täzelenip bilýän energiýa, sanly ykdysadyýet, biotehnologiýa, robot, akylly şäher we ş.m. «ýaşyl ykdysadyýet» ýörelgelerine esaslanýan ösüşiň strategiki ugurlarynda innowasiýalary durmuşa geçirmek boýunça aýratyn sessiýa geçirildi.
Ýaş türkmen we özbek telekeçileri, şeýle hem Koreýanyň milli kagyzsyz söwda ulgamyny dörediji we dolandyryjy KTNET kompaniýasynyň wekili üstünlikli tejribelerini paýlaşdylar. Ýygnananlar Arkadag şäheriniň häkimliginiň senagat, gurluşyk, ulag we aragatnaşyk utgaşdyrmasy bölüminiň baş hünärmeniniň çykyşyny uly gyzyklanma bilen diňlediler.
Işewür forumyň çäginde Merkezi Aziýa ýurtlarynyň we Koreýa Respublikasynyň işewür toparlarynyň wekilleriniň arasynda ikitaraplaýyn duşuşyklar we gepleşikler geçirildi. Mundan başga-da, bu ýerde guralan sergi ýaşlaryň telekeçiliginiň mümkinçiliklerini aýdyň görkezýär.
ORIENT news
