Türkmenistanda Hytaýyň Medeniýet ýylynyň açylyşy: gadymy sungatyň baky özüne çekijiligi
Sişenbe güni agşam, Aşgabatdaky Mukamlar köşgünde Türkmenistanda Hytaýyň Medeniýet ýylynyň açylyş dabarasy geçirildi.
Dabaraly çärä gatnaşmak üçin döredijilik işgärlerinden, döwlet edaralarynyň wekillerinden, hususan-da Hytaý medeniýetiniň we taryhynyň ruhy dörän ýeri hasaplanýan Şansi welaýatynyň Medeniýet we syýahatçylyk bölüminden ybarat bolan Hytaýyň wekiliýeti paýtagta geldi.
Gutlag çykyşlaryndan soň konsert boldy. Käbir görnüşlerde türkmenleriňkä hem gaty meňzeş bolan, tansçylar we wokalçylar, halk saz gurallarynda ýerine ýetirijiler sahnada şöhle saçdylar.
Aýratyn hem, hytaý operalarynyň atasy hem diýilýän, Sinýan operasy görkezildi. Bu gaty çylşyrymly sungat görnüşi: aýdym aýtmak, horeografiki çykyş, aktýorlyk, akrobatika - bular esasy başarnyklar bolup, şeýle hem gahrymanyň keşbini açmaga kömek edýän goşmaçalar hem zerur.
Artistler gadymy nesili şu günki güne çenli dowam edýän hytaý sungatynyň çylşyrymlylygyny we çuňlugyny haýran galdyrdylar.
Täsirli sahna çykyşyny ajaýyp horeografiýa, sazandalaryň ussatlygy we solistleriň geň galdyrýan özüne çekijiligi, hemmäni Hytaýyň beýik nebereleriniň we rowaýatlarynyň dünýäsine çümdürdi.
ORIENT news
