Kataryň Milli kitaphanasy türkmen kitaphanalary bilen hyzmatdaşlyga taýýar
Noýabr 02, 2023 | 20:31 |5913
Aziýa we Okeaniýa döwletleriniň kitaphanalarynyň direktorlarynyň halkara maslahatynyň çäklerinde Türkmenistanyň ilçisi Myratgeldi Seýitmämmedow Katar Döwletiniň Milli kitaphanasynyň direktory Hamad bin Abdulaziz Al-Kawari bilen duşuşdy. Duşuşyga Arkadag şäheirniň wekili hem gatnaşdy diýip, Türkmenistanyň Dohadaky ilçihanasy habar berýär.
Duşuşygyň barşynda taraplar döwletleriň arasynda kitaphana işi boýunça hyzmatdaşlygy ösdürmäge gyzyklanmalaryny mälim etdiler. Katar tarapy halkara maslahatynyň işine gatnaşandygy üçin türkmen tarapyna hoşallyk bildirdi.
Duşuşygyň ahyrynda türkmen ilçisi Katar Döwletiniň iň uly kitaphanasynyň direktoryna "Arkadag şäheri - bagtyň şäheri" atly kitaby gowşurdy.
ORIENT news
