Koreýa Respublikasy Türkmenistan bilen suw hojalygy babatda hyzmatdaşlyga gyzyklanma bildirýär
Koreýa Respublikasynyň daşky gurşaw ministri Han Hwa Çžin öz ýurdunyň Türkmenistan bilen suw hojalygy pudagynda hyzmatdaşlyk etmäge gyzyklanma bildirýändigini mälim etdi. Suw serişdelerini toplumlaýyn dolandyrmak, deňiz suwuny süýjetmek we Türkmenistanyň degişli edaralaryna ýakyndan goldaw bermek bu hyzmatdaşlygyň ileri tutulýan ugurlarydyr diýip, "Sisun News" habarlar agentligi habar berýär.
Eksport mümkinçiliklerini giňeltmek meseleleri Aşgabatda geçirilýän "Merkezi Aziýa - Koreýa Respublikasy" 16-njy Hyzmatdaşlyk forumynyň çäklerinde, şeýle hem 5-nji Türkmen-koreý işewürlik forumynyň dowamynda degişli ýurtlaryň edaralarynyň wekilleri bilen ara alnyp maslahatlaşylar.
Güýzüň soňky aýynyň ilkinji günleri Aşgabatda iri köptaraplaýyn hyzmatdaşlyk forumynyň geçirilmegi bilen başlandy. Aşgabat forumynyň çäklerinde ikitaraplaýyn hyzmatdaşlygyň resminamalar toplumyna gol çekildi.
ORIENT news
