Özbegistanda Türkmenistanyň Medeniýet günleri tamamlandy
Özbegistanda geçirilen Türkmenistanyň Medeniýet günleri dabaraly konsert bilen tamamlandy.
Daşkent şäherindäki "Özbegistan" halkara maslahatlar köşgünde geçirilen konserte Özbegistanyň ministrlikleriniň we pudaklaýyn dolandyryş edaralarynyň, milli medeni merkezleriniň wekilleri gatnaşdylar.
Medeni forumyň maksatnamasynyň çäklerinde Türkmenistanyň belli aýdymçy sazandalary, döredijilik toparlary çykyş edip, hakyky baýramçylyk sowgadyny hödürlediler.
Özbegistan Respublikasyndaky Türkmen millimedenimerkeziniň ýolbaşçysy Güldon Öwezdurdyýewanyň sözlerine görä, Özbegistanda her bir adam Magtymguly Pyragynyň, Türkmenistanda bolsa, her bir adam Alyşir Nowaýynyň eserlerini söýüp okaýar. Onuň belleýşi ýaly, şeýle ýokary derejede Türkmenistanyň Medeniýet günleriniň geçirilmegi doganlyk halklaryň arasyndaky berk dostluk gatnaşyklaryň aýdyň nyşanydyr.
ORIENT news
