Serdar Berdimuhamedow we Murat Nurtleuw türkmen-gazak hyzmatdaşlygyna baha berdiler
Türkmenistanyň Prezidenti Serdar Berdimuhamedow çarşenbe güni Gazagystan Respublikasynyň Premýer-ministriniň orunbasary, daşary işler ministri Murat Nurtleuwi kabul etdi.
Türkmenistanyň döwlet Baştutany ikitaraplaýyn hyzmatdaşlygyň ýokary derjesine, yzygiderli ösdürilýän syýasy dialoga kanagatlanma bildirdi. Murat Nurtleuw Türkmenistanyň Prezidentine Prezident Kasym-Žomart Tokaýewiň mähirli salamyny we iň gowy arzuwlaryny ýetirdi. Tarplar türkmen-gazak hyzmatdaşlygyny ösdürmegiň geljegi barada möhüm ugurlary boýunça pikir alyşdylar.
Söwda dolanyşygynyň geçen ýylda 70 göterim ösüp, jemi 440 million amerikan dollaryna barabar bolandygy kanagatlanma bilen bellendi. Gazagystanyň Türkmenistanyň arasynda döwlet serhediniň halkara hukuk binýadyny emele getirmek işiniň doly tamamlanandygy, köptaraplaýyn hyzmatdaşlygy mundan beýläk-de ösdürmäge bolan gyzyklanmalar mälim edildi.
ORIENT news
