Hytaýyň bäş ýyldyzly myhmanhanasy idegsiz pişiklere hem seredýär
Hytaýyň günortasynda ýerleşýän Guandun sebitiniň bäş ýyldyzlyk myhmanhanasy gözegçiliksiz galan pişiklere ideg etmek bilen, ol hytaýly sosial ulgamlary ulanyjylaryň uly ünsüni çekdi diýip, "South China Morning Post" neşiri ýazýar.
Sosial ulgamlarda ýaýran wideoşekile laýyklykda, myhmanhananyň işgärleri esasy girelgäniň ýanynda pişikler üçin iýmitlenmek we dynç almak üçin ýörite ýeri emele getiripdirler. Myhmanhananyň işgäriniň mälim etmegine görä, olar iki pişige eýýäm birnäçe ýyldan bäri ideg edip gelýärler.
Internet ulanyjylary öýsüz galan haýwanlara bildirilýän şeýle ynsanperwerlik üçin myhmanhananyň işgärlerine oňat seslenmelerini aýdýarlar. Şeýle hem, 10 kilograma çenli agramy bolan haýwanlara eýeleri bilen myhmanhanada bolmaga rugsat edilýär. Şunda haýwanlar üçin iýmitlenmek mugtdur.
ORIENT news
