Gyrgyzystan baýdagyny çalyşmaga taýýarlanýar
Gyrgyzystanyň baýdagynyň merkezindäki surat üýtgediler. Ýurduň parlamentiniň deputatlarynyň topary ondaky gün şöhlelerini göni etmek pikiri bilen çykyş etdiler. Kanunyň taslamasy köpçüligiň ara alyp maslahatlaşmagyna çykaryldy we bu pikir prezident Sadyr Žaparow tarapyndan eýýäm tassyklandy diýip, «Kabar» maglumat agentligi habar berýär.
Gyrgyzystanyň baýdagy gyzyl gönüburçly mata bolup, ortasynda gün şöhleleri dürli tarapa bölünýän sary garaöýüň ýokarky bölegi şekillendirilýär.
Sadyr Žaparow baýdakdaky suratyň, güneşdigine garamazdan, onuň günebakary ýada salýandygyny aýtdy. «Hatda bize myhmançylyga gelen daşary ýurtlularyň, belki-de ýurdumyzda köp mukdarda günebakarlar ýetişdirýändirler diýip aýdan wagtlaram boldy», - diýip prezident belledi.
Döwlet Baştutany deputatlar tarapyndan teklip edilen başlangyç görnüşi makullamady, sebäbi şöhleler tikene meňzeýärdi, ýöne Žaparow düzedilen görnüşini goldady.
Baýdagyň täze taslamasynda şöhleleriň sany üýtgedilmän 40-na galýar. Bir tegelekde birleşip olar, 40 sany gadymy gyrgyz taýpasynyň birleşmegini alamatlandyrýar.
ORIENT news
