PETRONAS: OGT–2023 gerimi we oňyn netijeleri bilen gatnaşyjylaryň ýadynda galar
Ine, “Türkmenistanyň nebiti we gazy-2023” atly halkara konferensiýasy we sergisi hem tamamlandy. Indi birnäçe köpçülikleýin habar beriş serişdeleri gipnoz edilen ýaly şuny gaýtalaýar: Häzirki forum dürli ýurtlardan gatnaşyjylaryň sany boýunça rekordy täzeledi!
Sergi açylandan soň, ilkinji minutlarda ähli tarapdan köp dillerdäki gürrüňler ýaňlanýardy. Diňe nebit we gaz işgärleriniň ýaşaýan kiçijik bir planetasyna düşen ýaly duýulýar. Ähli ýerlerde rus dilinde «Приветствую вас!», hytaý dilinde “Ni hao”, iňlis-amerikan dilinde «How are you?», arap-pars-türk dillerinde “Es-salam aleýkum” we ş.m. sözleri eşdip bolýardy.
Bu giň gerimli foruma gatnaşyjylaryň, dünýäniň dürli künjeklerinden gelendiklerine garamazdan, biri-birini gowy tanaýandyklary duýulýardy. Olar duşuşanlarynda biri-biriniň ellerini berk gysýardylar, köpüsi bolsa, doganlar ýaly biri-birini gujaklaýardylar. Bu geň galdyryjy däldi, sebäbi gysgaça OGT diýlip atlandyrylýan ýyllyk nebit-gaz konferensiýasy we sergisi eýýäm 28-nji gezek geçirilýär.
Ýöriteleşdirilen forum üçin bu ýaş, elbetde, ýeterlik wagtdyr. Däp bolan forumyň, global pandemiýa bilen baglanyşykly ulag çäklendirmesi sebäpli geçirilmedik ýyllaryny aýryp alanymyzda, Garaşsyz Türkmenistan döwleti bilen ýaşdaşdygyny aýdyp bolar.
“Türkmenistanyň nebiti we gazy-2023” halkara konferensiýasyna 50-ä golaý ýurtdan 700-den gowrak wekiliýet gatnaşdy. Ýöne çäre obýektiw sebäplere görä, Aşgabat şäherine gelip bilmedik hünärmenleriň giň topary üçin hem energetika konferensiýasynyň işine goşulmaga mümkinçilik berýän birnäçe daşary ýurtlardaky göni ýaýlymda berilmegi sebäpli-de has giňdi.
Muňa garamazdan, konferensiýa 400-den gowrak kompaniýanyň we halkara guramanyň ýolbaşçylary we wekilleri gatnaşdy. 70 kompaniýanyň diwarlyklary görkezilen sergä 10 müňden gowrak myhman geldi.
Foruma gatnaşyjylaryň arasynda iň uly nebit we gaz kompaniýalarynyň arasynda Malaýziýanyň golçur kärhanasy bolan Petronas Carigali (Türkmenistan) Sdn. Bhd tarapyndan wekilçilik edilýän PETRONAS hem bar.
Forumyň dowamynda ORIENT PETRONAS-yň Strategiki aragatnaşyk bölüminiň direktory Aými Zairin bin Mohammet bilen söhbetdeşlik geçirdi.
– OGT-2023-e gatnaşmagyňyz Sizde nähili täsir galdyrdy?
– Men, bu ýerde wekilçilik edýän gatnaşyjylaryň we kompaniýalaryň sany we bu ýerde edilen çykyşlaryň we görkezişleriň ýerlikliligi boýunça: Aşgabatda geçirilýän häzirki konferensiýanyň we serginiň ozalky ähli rekordlary täzeländigini derrew özüme belledim diýsem hakykata gabat gelmez.
– Hawa, elbetde, “Petronas Carigali”-niň deňeşdirmäge mümkinçiligi bar, sebäbi kompaniýa Aşgabatda we başga ýerlerde geçirilen köp sanly energetika forumlaryna gatnaşdy.
– Biziň kompaniýamyz 1996-njy ýyldan bäri Türkmenistanda işleýär. Bilşime görä, ýekeje-de bu ugurdaky forumy hem sypdyrmadym. Umuman aýdanyňda, Türkmenistan bilen hyzmatdaşlygymyz uzak möhletleýin esas üçin öndürijilikli ösýär. Diňe bir nebit-gaz pudagynda däl, eýsem ýaşyl tehnologiýalarda-da iň möhüm meseleleriň ara alnyp maslahatlaşylan OGT-2023 forumynda altyn hemaýatkär hökmünde çykyş etmegi buýsanç hasaplaýarys. Biz muny türkmenleriň ýangyç we energetika toplumynyň ösüşine goşan goşandymyz hökmünde kabul edýäris.
Mundan başga-da, kompaniýanyň işini görkezýän diwarlygy taýýarladyk...
– Ýeri gelende aýtsak, “ORIENT” okyjylarynyň “Petronas Carigali” (Türkmenistan) Sdn Bhd-e “Türkmenistanyň nebiti we gazy 2023” sergisinde iň oňat diwarlyk dizaýny üçin gowşurylan baýraklar, şeýle hem energetika pudagyndaky üstünlikleriňize ýokary derejeli diplomyň berilmegi mynasybetli gutlaglaryny kabul etmegiňizi haýyş edýäris.
– Gutlaglar üçin sag boluň! Biziň kompaniýamyzda hemme zady iň oňat görnüşde etmäge synanyşmak adaty bir zat. Sergide gaty gyzykly diwarlyklar köp boldy. Forumdaky tapawutlanan gatnaşyjylary sylaglamak dabarasynda kompaniýamyzyň ady yglan edilende, biz gaty begendik. Ýöne, öz gezegimizde, ORIENT web sahypasyny we onuň toparyny OGT forumyny KHBS-de beýan ediş ussatlygy üçin baýrak bilen gutlamaga rugsat ediň.
– Sagboluň. Emma, dogrymy aýtsam, bu biziň üçin garaşylmadyk zat boldy...
– Şeýlelik bilen, forumy gurnaýjylar tarapyndan aýratyn bellenen bu stendi diňe bir Türkmenistana bolan çuňňur hormatymyzy däl, eýsem uglewodorodlara baý ýurt we ajaýyp hünärmenler bilen gatnaşyklarymyzyň netijeliligini hem aç-açan görkezmek üçin gurduk.
PETRONAS Carigali Sdn Bhd-niň (Turkmenistan) baş direktory, jenap Ismadi bin Ismail forumyň 1-nji mejlisinde “Häzirki energetika zerurlyklaryny kanagatlandyrmak we geljekki energetika ulgamlaryna maýa goýmak: Tebigy gaz we gaz himiýasy” atly temada şeýle-de kompaniýanyň önümçilik bölüminiň baş menejeri we başlygy Mohd Razik bin Mohd Aznam hem şol mejlisde gyzykly çykyş etdiler.
Biz muňa hem Türkmenistanyň nebit-gaz pudagynyň ösüşine goşant hökmünde garaýarys. Ykdysadyýetiň açary bolan bu pudagyň ýylsaýyn ösjekdigine ynanýarys. Ýöne diňe bir ýangyç we energetika toplumy däl, ösüş umuman türkmen ykdysadyýetiniň segmentlerini öz içine alar.
– Ýöriteleşdirilen konferensiýada esasan nebit we gaz pudagyndaky meseleler ara alnyp maslahatlaşylsa-da, forumda belli bir orun ýaşyl energiýa ýa-da atlandyrylyşy ýaly arassa, gaýtadan dikeldilýän energiýa meselesine berildi.
– Dürli işlerinde adamzadyň energiýa mätäçdigi düşnüklidir, islendik ýagdaýda - energiýa ulanmazdan häzirki görnüşimizde bolup bilmeris. Emma, her kimiň düşünişi ýaly, häzirki wagtda ulanýan esasy energiýamyz daşky gurşawa zyýan ýetirýär we howanyň üýtgemegine sebäp bolýar.
Emma adamzadyň esasy ulanýan uglewodorodlaryny gaýtadan dikeldilýän energiýa çeşmeleri bilen çalyşmak henizem kyn. Şonuň üçin gün tertibindäki tebigata amatly ýaşyl tehnologiýalara geçmek meselesi gaty derwaýysdyr. PETRONAS, dünýäniň energetika bazaryna jogapkär gatnaşyjy hökmünde bu çagyryşy halkara bazarlaryny arassa energiýa bilen üpjün etmek ugrunda kabul edýär. Kompaniýanyň bu ugurdaky tagallalary işjeň alnyp barylýar.
– Ýene-de şuny hem goşmak möhümdir: PETRONAS dünýä ykdysadyýetindäki häzirki ýagdaýy göz öňünde tutup, diňe bir energiýa üpjün etmek bilen çäklenmän, hemme zadyň deňagramly bolmagy üçin möhüm meseleleri çözmegi hem öz üstüne alýar - bir tarapdan baha iň amatly we beýleki tarapdan arassa energiýa bolmaly. Dünýä howa we ekologiýa bilen baglanyşykly global üýtgeşmeleriň bosagasynda dur. PETRONAS işinde bu meseleleri çözmeklik ileri tutulýar.
– Şeýlelik bilen, “Türkmenistanyň nebiti we gazy-2023” atly nobatdaky halkara sergisi we konferensiýasy öz işini tamamlady. Siz bu ugurda geçirilýän forumlardan nämä garaşýarsyňyz?
– Men uly höwes bilen gaýtalaýaryn: häzirki OGT-2023 konferensiýasy, oňyn netijeleri bilen gatnaşyjylaryň ýadynda galar. Ýöne türkmenleriň energetika hünärmenleriniň bu bilen bir ýerde durmajakdygyna we indiki geçiriljek forumlaryň öňki forumlardan has ýokary derejede geçiriljekdigine ynanýaryn. Bu tendensiýa äşgärdir. Şeýle hem, Türkmenistanyň progressiw ösüşi bilen dünýädäki nebit-gaz pudagynda öz ornuny ynamly dowam etdirjekdigine ynanýaryn.
Bekdurdy AMANSARYÝEW
