Aşgabatda hökümet derejesinde türkmen-hytaý gepleşikleriniň tapgyry geçiriler
Hökümetara türkmen-hytaý Hyzmatdaşlyk Komitetiniň we onuň kiçi komitetleriniň nobatdaky, altynjy mejlisi noýabr aýynda Aşgabatda geçiriler. Şeýle hem, onuň çäginde söwda-ykdysady, ylmy-tehniki pudagy, ulag we logistika, howpsuzlyk, energetika we ynsanperwer gatnaşyklar ýaly ugurlarda ýöriteleşen alty kiçi komitetiň mejlisleri geçiriler.
Wise-premýer, Daşary işler ministri Raşid Meredow şenbe güni hökümet mejlisinde bu duşuşyklary geçirmek boýunça guramaçylyk işleri barada çykyş etdi. Şeýle hem ol, döwlet Baştutanymyza hökümetara türkmen-hytaý hyzmatdaşlyk komitetiniň we türkmen tarapyndaky kiçi komitetleriniň egindeş başlyklary barada resminamany tassyklamaga hödürledi.
Prezidentimiz Serdar Berdimuhamedow, karara gol çekip, degişli resminamany tassyklady.
ORIENT news
