Türkmenistanyň we Germaniýanyň ykdysadyýet ministrlikleri Bilelikdäki beýannama gol çekdiler
Türkmenistanyň Maliýe we ykdysadyýet ministrliginiň we Germaniýanyň ykdysadyýet we daşky gurşawy goramak federal ministrliginiň arasynda hyzmatdaşlyk meýilleri boýunça Bilelikdäki beýannama gol çekildi. Oňa diplomatik ýollar arkaly iki ýurduň degişli edaralarynyň ýolbaşçylary gol çekdiler diýip, Türkmenistanyň GFR-däki ilçihanasy habar berýär.
Türkmenistanyň ilçihanasynyň binasynda türkmen işewürleriniň hünär derejesini ýokarlandyrmak babatda iki ýurduň arasyndaky hyzmatdaşlygy ösdürmek maksady bilen degişli resminamalary gowşurmak dabarasy geçirildi.
Germaniýa Ýewropa Bileleşiginiň iň iri ykdysadyýetleriniň biri bolup, ol dürli ugurlarda, hususan-da, ýokary tehnologiýalar, maşyngurluşyk we hyzmatlar ulgamlarynda işewürlik adamlaryny ýokary derejede taýýarlaýandygy bilen tapawutlanýar.
ORIENT news
