Gazagystanyň bölek satuw zynjyry türkmen gök önüm öndürijisiniň önümleri bilen gyzyklanýar
Gazagystanyň “Astana” diplomatik kluby, iň uly türkmen oba hojalygy önümlerini öndürijisi “Ýigit” HJ üçin Gazagystanyň esasy söwda we bölek satuw zynjyrlaryndan biri bolan Magnum Cash & Carry kompaniýasynyň ýolbaşçylary bilen duşuşmak üçin Almaty şäherine sapar gurady.
Gepleşikler netijeli boldy. “Magnum” dükanlar zynjyrynyň wekilleri hyzmatdaşlyga gyzyklanma bildirdiler we “Ýigit”-iň gök önümleriniň ýokary hilini bellediler. Ýyllyk gök önüm öndürmäge ýöriteleşen ýokary tehnologiýaly parnik desgasy, GDA-nyň teplisa pudagynda innowasion üstünlik hökmünde ykrar edildi.
Ýigit, kompaniýanyň önümleriniň hil, howpsuzlyk we ekologiýa boýunça iň ýokary standartlara laýyk gelýändigini tassyklaýan halkara Global G.A.P. şahadatnamasyny alan Türkmenistandaky ilkinji oba hojalyk önümlerini öndürijisidir.
“Astana” diplomatik klubynyň wezipelerinden biri Gazakystan bilen daşary ýurtly telekeçileriň arasynda öndürijilikli özara alyş-çalyş etmekdir.
Türkmen daýhanlarynyň Gazagystana eden sapary hem, Türkmenistanyň Senagatçylar we Telekeçiler birleşmesi we “Astana” diplomatik kluby tarapyndan şu ýylyň oktýabr aýynyň başynda Gazagystandaky Türkmenistanyň ilçihanasynyň kömegi bilen geçirilen gepleşikleriň çäginde gazanylan şertnamalaryň netijesinde mümkin boldy.
ORIENT news
