Ýertudana demensden goraýar
Bu Sinsinnati uniwersitetiniň lukmançylyk merkeziniň amerikan alymlary tarapyndan beýan edildi, gözlegleriň netijesinde her gün ýertudana iýmegiň garry adamlarda akyl we intellektual ukyplaryny ýokarlandyrýandygyny, şeýle hem demens keseliniň döremek howpuny azaldýandygyny tassyklady.
Synagda 50 ýaşdan 65 ýaş aralygyndaky erkekler we aýallar, ýatdan çykarylmakdan we maglumatlary kabul etmekde kynçylyklardan zeýrenýänler gatnaşdylar. Alymlar olaryň ganyny analiz etmek üçin alyp, adamlary iki topara böldiler.
Toparyň birinjisi ertirlik üçin guradylan we üwelen ýertudana iýdi. Ikinjisi bolsa, platsebo (dermanlyk häsiýetleri bolmadyk madda) aldy. Üç aýdan soň gaýtadan geçirilen gan barlagy, süýji miwäni iýen okuw gatnaşyjylarynyň islendik maglumatlary has gowy ýatda saklap we derňäp başlandyklaryny görkezdi - sözleriň sanawyny öwrenenlerinde az ýalňyşlyk goýberip başlady.
Görnüşi ýaly, ysly miwede ýörite elementler - polifenollar bar. Bular garrylykda Alsgeýmer keseliniň ösüşini haýalladyp biljek tebigy antioksidantlardyr. Alymlaryň belleýşi ýaly, polifenol depressiýa howpunyň öňüni alýar diýip, “Nutrients” žurnaly ýazýar.
ORIENT news
