Ýylyň başyndan bäri türkmen-türk söwda dolanyşygy 2.1 milliard dollara ýetdi
Şu ýylyň geçen 9 aýynda Türkmenistan bilen Türkiýäniň özara söwda dolanyşygy 2,1 milliard amerikan dollaryna ýetdi. Bu geçen ýylyň tutuş dowamyndaky görkezijiden hem ýokarydyr. Bu barada Türkiýe Respublikasynyň wise-prezidenti Jewdet Ýylmaz mälim etdi diýip, “Türkmenistan” gazeti habar berýär.
Degişli döwürde özara söwdanyň möçberiniň 16 göterimini elektronika, 10 göterimini metal önümleri, 8 göterimini senagat tehnikalary we ätiýaçlyk şaýlary, 5 göterimini senagat tehnikalary, 4 göterimini hem önümçilik serişdeler eýeledi. Umumylykda, iki ýurt söwda babatda 5 milliarda amerikan dollary görkezijisine ýetmegi maksat edinýär.
Türkiýeli işewürler Türkmenistanda umumy bahasy 50 milliard amerikan dollarlyk 1 müňe golaý taslamany durmuşa geçirdiler. Bu görkeziji türk işewürleriniň daşary ýurtlarda durmuşa geçiren taslamalarynyň jemi möçberiniň 11 göterimini düzýär. Türk işewürleri Türkmenistanda iň köp taslamalary ýerine ýetiren ýurtlaryň içinde Russiýadan soň ikinji ýeri eýeleýär.
Türkiýäniň wise-prezidentiniň sözlerine görä, türk işewürleri türkmen kärdeşleri bilen täze taslamalary, şol sanda Arkadag şäheriniň ikinji tapgyryny gurmak boýunça taslamalary ýerine ýetirmäge gyzyklanma bildirýär.
ORIENT news
