Türkmenistanyň at gazanan itşynaslary mälim edildi
Türkmenistanyň Prezidentiniň Permany bilen ýurduň iki harby gullukçysy "Türkmenistanyň at gazanan itşynasy diýen ada eýe boldular. Bu barada Türkmenistanyň Döwlet habarlar agentligi mälim edýär.
Has takygy, Türkmenistanyň Döwlet serhet gullugynyň Tagtabazar serhet birikmesiniň karargähiniň atçylyk we kinologiýa gullugynyň uly tehnigi-yzarlaýjy itleriň gözükdirijisi Umytjan Rozymuradowiç Nurmammedowa we Döwlet gümrük gullugynyň Aşgabat şäher gümrükhanasynyň «Aşgabat» gümrük nokadynyň müdiriniň orunbasary, hususy itşynas Gurbannazar Gurbannazarowiç Ezizowa «Türkmenistanyň at gazanan itşynasy» diýen hormatly ada eýe boldular.
Bu hormatly atlar Türkmen alabaýynyň baýramy mynasybetli, ýokarda ady agzalan raýatlaryň alabaý itlerini häzirki zaman ylmynyň gazananlaryny ulanmak arkaly talabalaýyk saklamakda, ýetişdirmekde, köpeltmekde we onuň şan-şöhratyny dünýä ýaýmakda, bu ugurda halk seçgiçiligini ösdürmekde, kämilleşdirmekde, milli itşynaslyk mekdebiniň iň gowy däplerini wagyz etmekde hem-de ornaşdyrmakda gazanan uly üstünlikleri üçin berildi.
Türkmen alabaýynyň baýramy her ýylyň oktýabr aýynyň soňky ýekşenbesinde bellenýär.
ORIENT news
