Türkmenistanyň myhmanhana pudagy üçin «ýaşyl standartlar»
«Awaza» milli syýahatçylyk zolagynda myhmanhana pudagyny ösdürmekde innowasion tehnologiýalary we energiýa tygşytlaýyş usullaryny ara alyp maslahatlaşmak üçin hünärmenleriň duşuşygy geçirildi. Çärä Türkmenistanyň Döwlet Energetika Institutynyň «Dikeldilýän energiýa çeşmeleri» ylmy-önümçilik merkeziniň, BMGÖM-yň, elektrik energiýasy kompaniýalarynyň we myhmanhana işiniň wekilleri gatnaşdylar.
«Hasyl» synag myhmanhanasynda hünärmenler, energiýa we suw tygşytlaýan innowasiýa tehnologiýalaryny ulanyp, myhmanhanada energiýa tygşytlamak tejribesini girizmek üçin BMGÖM-yň taslamasynyň netijeleri bilen tanyşdylar. Şeýle hem, Awazada durnukly syýahatçylyk infrastrukturasyny ösdürmek üçin ýerine ýetirilen howanyň hiline gözegçilik usulynyň we ýaşyl galyndylary dolandyrmagyň usullaryny gördüler.
Şeýle hem, duşuşyga gatnaşyjylar Türkmenistanyň myhmanhana pudagy üçin «ýaşyl standart» kriteriýalaryny gözden geçirdiler, Awazadaky gün işjeňliginiň seljermesiniň netijeleri we gün elektrik stansiýalarynyň dizaýnyna täsiri bilen tanyşdylar. Bu gözlegler «Seýrana» we «Balkan» synag myhmanhanalarynda geçirildi. Mundan başga-da, hünärmenler gün panellerine hyzmat etmek bilen baglanyşykly meseleleri ara alyp maslahatlaşdylar we energiýa tygşytlaýyş çäreleri we olaryň netijeliligi barada teklip etdiler.
ORIENT news
