Türkmen gazyny Türkiýä ibermek aýratyn strategiki ähmiýete eýe boldy - Ärdogan
Prezident Rejep Taýyp Ärdogan, Türkmenistanyň energiýa ätiýaçlyklary boýunça sebitde we dünýäde öňdebaryjy ýurtlaryň hataryndadyr we häzirki gurşawda Türkiýäniň üsti bilen Türkiýä we dünýä bazarlaryna türkmen tebigy gazynyň iberilmegi aýratyn strategiki ähmiýete eýe diýdi.
"Şu nukdaýnazardan, Türkmenistan bilen ikitaraplaýyn hyzmatdaşlyk we Azerbaýjan bilen baglanyşykly üç taraplaýyn hyzmatdaşlyk möhümdir" -diýip, türk Lideri penşenbe güni Ankarada Prezident Serdar Berdimuhamedow bilen geçirilen gepleşikleriň netijleri boýunça bilelikdäki metbugat ýygnagynda aýtdy.
Türk Lideri, bu saparyň aýratyn ähmiýetiniň bardygyny, sebäbi Serdar Berdimuhamedowyň Prezident hökmünde Türkiýä ilkinji saparydygyny aýtdy.
Metbugat gullugy Ärdoganyň “Umumy taryhy, dili, dini we medeniýet esasynda gatnaşyklarymyz birek-birege hormat goýmak, hyzmatdaşlyk we umumy bähbitler esasynda günsaýyn güýçlenýär. Şu günki duşuşyklarymyzda gatnaşyklarymyzyň ähli taraplaryna baha berdik we özara gatnaşyklaryň mümkinçiliklerini ara alyp maslahatlaşdyk"- diýen sözlerini getirýär.
Türkiýäniň Prezidenti, häzirki duşuşygyň köp meseleler boýunça Türkmenistan bilen pikirleriniň meňzeşligini tassyklandygyny aýtdy. Ärdogan: "Dünýäde we sebitimizde bolup geçýän wakalar, Türki döwletleriň guramasynyň howandarlygynda agzybirligimiziň ähmiýetini görkezdi" – diýip belledi. "Pursatdan peýdalanyp,Türkmenistany Türki döwletleri guramasynyň synçy agzasy, maşgala geňeşimiziň doly agzasy hökmünde görmek isleýändigimizi ýene bir gezek bellemek isleýärin" -diýip, ol sözüniň üstüni ýetirdi.
ORIENT news
