Germaniýada Türkmenistanyň ilçisi bilelikdäki türkmen-nemes iş toparynyň mejlisiniň geçirilmegini ara alyp maslahatlaşdy

Oktýabr 27, 2023 | 18:37 |4454

Germaniýanyň Federal Ykdysadyýet we howany goramak ministrliginiň wekilleri bilen duşuşyk Türkmenistanyň Germaniýadaky ilçisi Berdymyrat Rejepow tarapyndan geçirildi. Ol Ykdysady hyzmatdaşlyk boýunça bilelikdäki türkmen-nemes iş toparynyň indiki mejlisiniň geçirilişini ara alyp maslahatlaşdy diýip, Germaniýadaky türkmen diplomatik wekilhanasynyň metbugat gullugy habar berýär.

Türkmenistan bilen Germaniýanyň arasyndaky hyzmatdaşlygyň ileri tutulýan ugurlary Halk Maslahatynyň Başlygy Gurbanguly Berdimuhamedowyň golaýda Berline eden saparynda kesgitlenildi. Bu başlangyçlary durmuşa geçirmek üçin taraplar ykdysady hyzmatdaşlyk boýunça bilelikdäki türkmen-nemes iş toparynyň çäginde degişli işleri amala aşyrmagy meýilleşdirýärler.

ORIENT news