Türkmenistan Yraga ýylda 9 milliard kub metr gaz ibermäge taýýar
Türkmenistan Eýranyň gatnaşmagyndaky alyş-çalyş şertnamasy boýunça Yraga ýylda 9 milliard kub metr tebigy gazy bermegi meýilleşdirýär. "Türkmengaz"-yň başlygynyň orunbasary Myrat Arçaýew, çarşenbe güni, 25-nji oktýabrda ýurduň eksport bazarlaryny diwersifikasiýa etmekçi bolýandygyny aýtdy.
Türkmenistan, ägirt uly Galkynyş ýatagy bilen dünýädäki iň uly gaz baýlyklaryna eýe ýurtlaryň biridir. Arçaýew, “Türkmenistanyň nebiti we gazy” forumynyň dowamynda “Galkynyş” ýatagyny özleşdirmegiň ikinji we üçünji tapgyrlary boýunça halkara maýadarlar bilen geçirilen gepleşikleriň netijesinde 2024-nji ýylda “öňegidişlige” garaşylýandygyny aýtdy.
Eksporty ösdürmek nukdaýnazaryndan, Türkmenistan gazy üçin täze bazarlary tapmaly, şeýle hem gazy gaýtadan işlemäge “uly ähmiýet berýär” diýip, ýurduň Ministrler Kabinetiniň Başlygynyň orunbasary Batyr Amanow bu forumda belledi.
Amanow, eksport bazarlarynyň ösüşi, Galkynyş ýatagynyň ýolbaşçylygyndaky gaz önümçiligini ösdürmek üçin "möhümdir", häzirki wagtda ýurduň esasy bazarlary Hytaý we Russiýadyr diýip aýtdy.
Yragyň energetika ministri Ziad Ali Fadel hem Aşgabat forumyna gatnaşýar.
“Türkmengaz”-yň başlygy Maksat Babaýew 5-8-nji oktýabrda Bagdadda wekiliýete ýolbaşçylyk etdi we goňşy Eýranyň üsti bilen alyş-çalyş şertnamasynyň çäginde Yragyň elektrik üpjünçiligi ministri Fadel bilen “giňişleýin gepleşikleri” geçirdi. Bu duşuşykda, şu aýyň başynda Türkmenistandan Yraga gaz import etmek barada özara düşünişmek Memorandumyna gol çekildi.
ORIENT news
