Prezident Serdar Berdimuhamedow resmi sapar bilen Ankara bardy
Ankara uçuşy amala aşyran Türkmenistanyň Prezidentiniň Türkiýe Respublikasyna resmi sapary başlandy.
Türkmenistanyň Prezidenti Serdar Berdimuhamedow çarşenbe güni Aşgabadyň Halkara howa menzilinden ýola çykyp, Türkiýä resmi sapar bilen gitdi.
TDH-nyň habaryna görä, Prezident uçary Ankara çenli uçuşy tamamlap, Türkiýe Respublikasynyň paýtagtyndaky iki ýurduň Döwlet baýdaklary bilen bezelen “Esenboga” Halkara howa menziline gondy.
Saparynyň dowamynda Serdar Berdimuhamedow Prezident Rejep Taýyp Ärdogan bilen duşuşar, döwlet Baştutanlary ikitaraplaýyn we köptaraplaýyn hyzmatdaşlyk meselelerini, şeýle hem, häzirki halkara ýagdaýlary barada pikir alyşarlar.
Türkmenistan bilen Türkiýe Respublikasynyň arasyndaky diplomatik gatnaşyklar 1992-nji ýylyň 29-njy fewralynda ýola goýuldy. Iki ýurt hem giň gerimli hyzmatdaşlygyň baý we oňyn tejribesini topladylar.
2007-nji ýylyň 6-njy dekabrynda ykdysady hyzmatdaşlyk boýunça türkmen-türk hökümetara topary döredildi.
Türkiýe bilen Türkmenistanyň arasyndaky söwda gatnaşyklarynyň çalt ösýän döwründe, 2021-nji ýylda 2 milliard dollardan geçen söwda mukdaryny gysga möhletde 5 milliard dollara we uzak möhletde 10 milliard dollara ýetirmek maksat edilýär.
2022-nji ýylda Türkmenistanda Türkiýe-Azerbaýjan-Türkmenistan döwlet Baştutanlarynyň ilkinji sammiti geçirildi, şol döwürde energetika pudagynda hyzmatdaşlygyň ösdürilmegi we tebigy gaz üpjünçiliginiň aýratyn ähmiýeti nygtaldy.
ORIENT news
