Türkmenistanyň Prezidenti awstriýaly kärdeşini gutlady
Prezident Serdar Berdimuhamedow Awstriýa Respublikasynyň Federal Prezidenti Aleksandr Wan der Bellene we ýurduň ähli halkyna Awstriýanyň Milli güni mynasybetli tüýs ýürekden gutlaglaryny, iň gowy arzuwlaryny iberdi. Bu barada Döwlet habarlar agentligi habar berdi.
Döwlet Baştutanymyz şu mümkinçilikden peýdalanyp, Prezident Aleksandr Wan der Bellene tüýs ýürekden berk jan saglyk, bagtyýarlyk we abadançylyk, Awstriýa Respublikasynyň ähli halkyna bolsa parahatçylyk, mundan beýläk-de öňegidişlik, gülläp ösüş arzuw etdi.
Türkmenistan we Awstriýa ýerleşýän sebitlerinde howpsuzlygyň we durnuklylygyň pugtalandyrylmagyna ýardam berýän bitaraplyga esaslanýan daşary syýasy ugry bilen tapawutlanýar. Awstriýa bitaraplygyny 1955-nji ýylda yglan etdi.
Ýarym asyrdan soň, Türkmenistan BMG tarapyndan ykrar edilen ilkinji bitarap döwlet boldy.
ORIENT news
