Katrin Denýow – 80 ýaşynda we ol henizem kino asmanynda
Ähli döwürleriň iň ajaýyň fransuz kino ýyldyzlaryndna biri bolan Katrin Denýow bu gün 80 ýaşaýar. Siz ony nahilli bellärsiňiz? «Bu meni gyzyklandyrmaýar», — diýip ol, 4-nji oktýabrda Fransiýada ilkinji görkezilşi geçirilen, Fransiýanyň öňki Prezidenti Žak Şirakyň aýaly hakyndaky «Bernadett» filminiň – özüniň soňky filminiň goýberilmeginde Paris Match žurnalyna jogap berdi.
Altmyş ýylyň dowamynda ol 150-ä golaý filme düşip, iki «Sezary», Kann baýragyny we beýleki kino baýraklaryny, şeýle hem Oskar gazandy.
Katrin Fabýen Dorleak 1943-nji ýylda Parižde doguldy. Ol Denýow diýip sahna adyny aldy. Bu onuň ejesim aktrisa Rene Žanna Denýowyň (Rene Simono ady bilen has meşhur bolan we 2021-nji ýylda 109 ýaşynda aradan çykan) gyzlyk familiýasydy.
«Men Dorleak (...) bolmagy halaýaryn. «Denýowy hakykatdanam halamaýaryn», — diýip aktrisa bir aý öň söhbetdeşlikde aýtdy we ol ýaňy kino düşmäge başlan wagtlary onuň dogany Fransuaza Dorleagyň eýýäm aktrisadygyny ýatlatdy. Ejesi gyzlaryna iki sany Dorleak aktrisanyň bolmaly däldigini aýdypdy. Fransuaza 1967-nji ýylda ýol heläkçiliginde aradan çykdy.
Katrin Denýowyň karýerasynyň başlangyjy bolan «Şerbursk saýawanlary» filmi 1964-nji ýylda çykdy. Ondan soň Polanski «Ýigrenç» we «Roşforyň gyzlary» filmleri çykdyp, ol onda dogany bilen gabat geldi. Ýöne 1967-nji ýylda Luis Bnýueliň ony beýgelden «Dnewiň gözeli» filmi çykdy. Şol döwürler ol bagtyny Golliwudda synap gördi. Ol elmydama onuň Žanna Moro ýa-da Brijit Bardo ýaly fransyz gözellerine haýran galýardy.
Seýrek bagty duýgurlyk, kämahallar buzly, kämahallar bosa ýakymly lowurdy bilen drama, tragediýa we romantika keşplerini gezekleşdirip, ol görnükli filmografiýany gurdy. Tankytçylar, aktrisanyň öz keşpleriniň köplügi bilen gatyşyp bilme ukyby sebäpli onuň täsin zehini hameleonyňky diýip atlandyrýardylar.
Ol diňe bir fransuz kinosynyň ikonasy bolman, eýsem modanyň hem ikonasy. Sebabi ol modelýer Iw Sen-Loranyň ylhamy bolup, 1985-nji ýyldan onuň ýüzi Fransiýa respublikasynyň milli nyşany Mariannanyň şekli üçin ulanyldy.
Ýöne oňa fransyz ikonasy diýilýäni ony biynjalyk edýär we häzir 80 ýaşynda, Bernadett Şirak hakynda biografiki filme surata düşenden soň ol: «Meniň durmuşym hakynda kinoda gürrüň berilmegini men hiç islemezdim» diýýär.
Ol şahsy durmuşynda 1965-1971-nji ýyllarda iňlis fotosuratçy Dewid Beýlä durmuşa çykypdy. Ondan öň onuň kinorežissýor Rojer Wadim bilen gatnaşygy bardy we 1963-nji ýylda onuň Kristian atly ogly boldy. 1972-nji ýylda bolsa Marçello Mastroýaniden Kýara atly gyzy boldy.
ORIENT news
