Türkmen döwlet medeniýet institutynyň wekilleri Duşenbede geçen teatr festiwalynda çykyş edýär
Türkmen döwlet medeniýet institutynyň wekilleri Duşenbe şäherinde geçirilýän Gurjak teatrlarynyň halkara festiwalyna gatnaşýar. “TASS” habarlar agentliginiň mälim etmegine görä, onda türkmen wekiliýeti “Baky rowaýatlar” sahna eserini ýerine ýetirerler.
Festiwala şeýle hem Eýranyň, Gazagystanyň, Russiýanyň, Täjigistanyň we Özbegistanyň teatr ussatlary gatnaşýarlar. Onda goýuljak sahna eserleri hem rus dilinde hem her bir ýurduň öz ene dilinde görkeziler. Gazagystanyň Şymkent şäheriniň artistleri “Kanatty Barys”, Özbegistanyň Buhara gurjak teatrynyň artistleri “Farhadyň edermenligi”, Täjigistanyň teatrlary hem “Altyn jeren”, “Akylly eşek” sahna eserlerini ýerine ýetirerler.
Russiýanyň Nowosibirsk teatrynyň artistleri festiwalda meşhur “Üç pişik” sahna oýnuny ýerine ýetirerler.
ORIENT news
