Dagystan Türkmenbaşy Halkara deňiz portundan ilkinji ýük gämini kabul etmäge taýýarlyk görýär
Türkmenistan we Dagystan Türkmenbaşy hem-de Mahaçkala portlarynyň arasynda ilkinji ýük gämi gatnawyny amala aşyrmak meselesini işjeň ara alyp maslahatlaşýarlar. Bu barada “Mahaçkala deňiz söwda floty” paýdarlar jemgyýeti habar berýär.
Bellenilişi ýaly, degişli ugra ilkinji ýük gatnawyny şu ýylyň ahyryna çenli amala aşyrmak meýilleşdirilýär. Türkmenistandan ugradyljak ýük gämisiniň göwrümine we aýratynlygyna laýyklykda, Dagystanyň deňiz portunda zerur amatly şertleriň döredilmegi göz öňünde tutulýar.
Ilkinji gatnawlaryň hatarynda konteýner ýükleri üçin parom gämileriniň ugradylmagy göz öňünde tutulýar. Bu porta ilkinji gäminiň gelmegi Türkmenbaşy porty bilen göni ykdysady gatnaşyklary ýola goýmakda we ösdürmekde möhüm ädim bolar.
Türkmenbaşy we Mahaçkala portlarynyň arasynda ýük gatnawlarynyň ýola goýuljakdygy barada Russiýanyň Türkmenistandaky söwda wekili Aleksandr Ýelizarow hem ozal habar beripdi.
ORIENT news
